Лхагва гарагт BBC сувгаас мэдээлснээр Өмнөд Африкийн хүүхдүүд 10 нас хүрсэн ч бичиг үсэг тайлагдаагүй байна гэжээ.

Судалгаагаар Өмнөд Африкийн 10 настай 10 хүүхэд тутмын найм нь уншиж чадахгүй байгаа гэсэн дүгнэлт гарсан байна. Улмаар 2016 онд тус улсад бичиг үсэг тайлагдаагүй хүүхдүүд 78 хувьтай байсан бол өдгөө 81 хувьд хүрээд байгаа ажээ.

Судалгааны дүнтэй танилцсан Өмнөд Африкийн боловсролын сайдын хэлснээр хүүхдүүд тийн муу уншиж байгаа нь коронавирусийн улмаас сургуулиудыг хаасантай холбоотой гэсэн байна. Түүний зүгээс өөр хэд хэдэн шалтгааныг нэрлэсэн нь ядуурал, тэгш бус байдал болон дэд бүтэц хангалттай хөгжөөгүй явдал ч хүүхдүүдийн бичиг үсгийн боловсролд нөлөөлж буй гэжээ.

Өмнөд Африк улсын хувьд албан ёсны 11 хэлтэй ч хүүхдүүд тэдгээрийн алийг нь ч уншиж ойлгохгүй түвшинд байгаа юм.

Эх сурвалж: BBC