Бага байхдаа аутизм спектрийн эмгэг, хөгжлийн хоцрогдолтой гэж оношлогдож байсан Жэйсон Ардэй гэх эр Кембриджийн Их сургуулийн профессор болжээ.

Жэйсон Ардэйн хувьд 11 нас хүртлээ ярьж чаддаггүй байсан бөгөөд 18 нас хүртлээ уншиж, бичиж чаддаггүй байсан гэнэ. Харин саяхан BBC агентлагаас мэдээлснээр өдгөө 37 настай Жэйсон Кембриджийн Их сургуулийн Боловсрол, нийгэм судлалын тэнхимийн профессор болжээ. Ингэснээр тэр тус их сургуулийн түүхэн дэх хамгийн залуу, өнгөт арьст профессор болсон байна.

Энэ явдлаас найман жилийн өмнө эмч нарын зүгээс ноён Ардэйг хүний тусламж, асаргаагүйгээр амьдарч чадахгүй хэмээж байсан юм. Гэвч тэрээр эмч нарын оноштой эвлэрэхийг хүсээгүй бөгөөд өөрийн хүсэл мөрөөдлийг унтлагын өрөөнийхөө ханан дээр жагсаан бичдэг болжээ. Тийнхүү хүсэл мөрөөдлөө бичих явцдаа тэр “Оксфорд эсвэл Кембриджд ажиллах” гэж ч бичиж байсан гэнэ.

Харин өдгөө тэр Кембриджийн их сургуульд багшилдаг 5 өнгөт арьстай профессорын нэг болжээ.

Эх сурвалж: NDTV