Мягмар гарагт АНУ-ын Хөдөлмөрийн яамнаас танилцуулсан статистикаас үзвэл өнгөрөгч онд тус улс дахь хөгжлийн бэрхшээлтэй хүмүүсийн хөдөлмөр эрхлэлт түүхэн дээд түвшинд хүрчээ. Тодруулбал, 2023 онд тус улс дахь хөдөлмөр эрхлэлт 22.5 хувьд хүрсэн байна. Энэ нь өнгөрөгч оны статистиктай харьцуулахад даруй 1.2 хувиар өссөн үзүүлэлт юм.
АНУ нь 2008 оноос хөгжлийн бэрхшээлтэй хүмүүсийн хөдөлмөр эрхлэлтийг ийн бүртгэж эхэлсэн бөгөөд хөдөлмөр эрхлэлт 22.5 хувьд хүрсэн нь хамгийн өндөр үзүүлэлт болжээ.
Статистикаас үзвэл дээрх хөдөлмөр эрхлэгч хөгжлийн бэрхшээлтэй хүмүүсийн дийлэнх нь хувиараа бизнес эрхэлдэг бол тэдний хагас цагийн хөдөлмөр эрхлэлт хөгжлийн бэрхшээлгүй хүмүүсийнхээс даруй хоёр дахин их байдаг гэсэн тооцоо гарсан байна.
Эх сурвалж: Disablity Scoop