Бага ангийн сурагчдын хичээл цахим хэлбэрт шилжсэний дээр ЕБС-ийн сурагчид хоёрдугаар сарын 1-нийг хүртэл амарна. Энэ удаагийн сурагчдын амралт илүү урт хугацаанд үргэлжлэхээр болж байна. Мөн нийслэлийн төрийн болон төрийн бус өмчийн ерөнхий боловсролын сургуулийн 12 дугаар ангийн сурагчдад элсэлтийн ерөнхий шалгалтад бэлтгэх давтлага хичээлийг цахим хэлбэрээр явуулах захирамжийг салбарын яам гаргаад байна.
Иймд ЗАНГИА АКАДЕМИ -ерөнхий боловсролын сургуулийн сурагчдад зориулсан
- МАТЕМАТИКИЙН 40 ХИЧЭЭЛ, илүү гүнзгийрүүлсэн агуулга бүхий 10 хичээл
- ФИЗИКИЙН 17 ХИЧЭЭЛ
- ХИМИЙН 10 ХИЧЭЭЛ
- БИОЛОГИЙН 13 ХИЧЭЭЛ
- АНГЛИ ХЭЛНИЙ 13 ХИЧЭЭЛ-ийг байршууллаа.
Сурагчид https://www.zangia.mn/academy -д байршуулсан интерактив жишиг контентоос сонгон хичээлээ гар утас, цахим төхөөрөмжөөсөө үнэ төлбөргүй бататган үзэх боломжтой боллоо.
Дээрх хичээлүүдийг өнгөрсөн жилүүдийн ЭЕШ-ын шалгалтын үр дүн, шалгуулагчдын гүйцэтгэл, алдаанд дүн шинжилгээ хийсний үндсэн дээр сурагчдын сул гүйцэтгэж буй агуулга дээр илүү төвлөрсөн жишиг даалгавар, мэдээ мэдээлэл, даалгаврын тайлбарыг багтаасан гэдгийн хичээлийг боловсруулсан багш нар онцоллоо.
ЗАНГИА АКАДЕМИ “Цахим хичээл” төслийг ЗАНГИА АКАДЕМИЙГ төлөөлж Доктор Болдын Түвшинтулга , “Гүүд Скүүл”-ийг төлөөлж Доктор Пүрэвсүрэнгийн Наранбаяр хамтран хэрэгжүүлж байна.