Стефен Кови надад санаа бодлоо хуваалцах хүсэлт тавьснаар бид 2001 онд анх удаа уулзаж билээ. Түүнтэй гар барин мэндчилэхэд мянган удаа өмсөөд торго шиг зөөлөрсөн арьсан бээлий гарыг минь бүрхэн авах шиг тийм л сайхан, дулаан мэдрэмж надад төрж байсан билээ. Хоёр цаг үргэлжилсэн бидний ярилцлага Ковигийн тоо томшгүй олон асуултаар эхэлж байсан бөгөөд үнэндээ миний дэргэд туршлагатай багш, гүн гүнзгий сэтгэгч, шавь нараасаа 25 жил суралцсан ер бусын нэгэн сууж байсансан.

Ярилцлага эхэлмэгц л миний сониуч зан хөдөлж “ Та 7 дадлын санааг анх хаанаас олсон бэ?” гэж асуухад “Би олоогүй” гэж хариулдаг юм байна. “Юу гэсэн үг вэ? Та чинь 7 дадал номыг бичээ биз дээ.” гэхэд “Тиймээ, би ном бичсэн, харин номонд тусгасан зарчмууд бол аль эртнээс л миний мэддэг зүйлс байсан. Тэд зүгээр л бичигдээгүй байгалийн хуулиуд гэхүүдээ. Би тэдгээрийг зүгээр л эмхэлж цэгцлээд хүмүүст ойлгомжтой болгосон.” гэлээ.