Япон улс Фукушимагийн АЦС-ын 1 сая гаруй тонн цэвэршүүлсэн цацраг идэвхт усыг далайд цутгах гэж байгаагаас үүдэн өмнөд солонгосчууд далайн гаралтай давсыг их хэмжээгээр нөөцлөх болжээ. Учир нь Өмнөд Солонгосын ард иргэд цацраг идэвхт усыг бүрэн цэвэршүүлсэн гэдэгт эргэлзэж байгаа юм.
Япон улсын хувьд Фукушима дахь АЦС-ын гэмтсэн реакторуудыг хөргөхөд тус усыг ашиглаж байсан бөгөөд ус урт хугацаандаа цацраг идэвхт бодис агуулах болсон билээ. Улмаар Япон улсын талаас усыг цэвэршүүлсэн, байгаль орчинд ямар ч аюулгүй хэмээн мэдээлж байгаа ч олон нийтийн санал хуваагдаад байгаа юм.
Одоогийн байдлаар усыг хэзээ далайд цутгах нь тодорхойгүй байгаа ч Ройтерс агентлагаас мэдээлж байгаагаар тун удахгүй гэсэн байна.
Эх сурвалж: The Reuters