Монголын иргэн бүрд ажлын байр уриатай Zangia.mn хөдөлмөрийн зах зээлийг төгөлдөржүүлэх, байгууллагуудын хүний нөөцийн бүрдүүлэлтэд чиглүүлэг болохын зэрэгцээ хувь хүний хөгжлийг дэмжих, олон нийтийн боловсролд хөрөнгө оруулахад чиглэсэн томоохон төсөл хөтөлбөрүүдийг хэрэгжүүлэн ажиллаж байна. Энэ хүрээнд уламжлал болгон зохион байгуулдаг HR Event амжилттай зохион байгуулагдаж өнгөрлөө.
2024 оны анхны HR Event & Networking Д.Энхтүвшин оролцож "Үе шилжилт” сэдвээр сонирхолтой илтгэл тавилаа. Илтгэлдээ аж ахуйн нэгжүүдийг бизнесийн ёс зүй, компанийн засаглалаа сайжруулах нь нийгмийн тулгамдсан асуудлуудын нэг болоод байгааг дурдаад, байгууллагууд ажилтнаа хөгжүүлэх, тэдэнд тохирсон засаглалын орчныг бүрдүүлэх шаардлага үүсэж байгааг онцолсон.
Zangia.mn-ийн захирал Т.Баяр, Б.Түвшинтулга нар арга хэмжээг нээж, шинээр нэвтрүүлж буй төсөл хөтөлбөрүүдээ танилцууллаа. Энэ удаагийн эвент-д Zangia.mn-ний харилцагч байгууллагуудын 400 гаруй захирал удирдлага, хүний нөөцийн мэргэжилтнүүд оролцож санал бодлоо хуваалцан нэгэн үдшийг өнгөрүүллээ.