1994 онд үзэгчдийн хүртээл болсон Forrest Gump киноны гол дүрийг амилуулахдаа жүжигчин Том Хэнкс Nike брэндийн Cortez загварын пүүзийг өмсөн жүжиглэсэн байдаг билээ. Үнэн хэрэгтээ тус пүүзийг Форрестэд түүний багын найз Женни Курран бэлэглэдэг бөгөөд кинонд өгүүлснээр Форрест эргээс эрэг дамжин 3 жил гүйхдээ тус пүүзтэй гүйдэг.
Тус загварын хувьд хэзээ ч хуучиршгүй пүүзнүүдийн нэгт зүй ёсоор багтдаг ба энэ он гарахтай зэрэгцэн Nike брэндийн зүгээс тус загварын пүүзээ дахин худалдаанд гаргахаар төлөвлөж буйгаа зарласан.
Тэгвэл үйл явдлын хүрээнд саяхан Heritage Auctions дуудлага худалдааны газраас Forrest Gump кинонд жүжигчин Том Хэнксийн өмссөн Nike Cortez загварын пүүзийг дуудлага худалдаанд оруулжээ. Тийнхүү дуудлага худалдаа хаагдахад пүүз 57,500 ам.долларын үнэ хүрсэн байна.
Эх сурвалж: Sneaker News