АНУ-ын засгийн газар Хятадын харилцаа холбооны тоног төхөөрөмжийн хамгийн том компани болох Huawei-тэй хамтран ажилладаг Хятадын хагас дамжуулагч үйлдвэрлэгч компаниудад хориг арга хэмжээ авахаар хэлэлцэж байгаа тухай мэдээлэл гарчээ.

Bloomberg News эх сурвалжаас иш татан, АНУ-ын Худалдааны яамны экспортын хяналтын жагсаалтад энэ удаад Хятадын хагас дамжуулагч үйлдвэрлэгч Changshin Memory Technology, Qingdao Xian, Swaysure, Shenzhen Fensun Technology зэрэг компаниуд багтаж буй талаар онцлов.

Энэхүү шийдвэр нь одоо мөрдөгдөж буй АНУ-ын компаниудын Huawei-тэй хийх гүйлгээг хязгаарлаад тогтохгүй Huawei-гийн бүтээгдэхүүнд шаардлагатай хагас дамжуулагчийн хангамжийн шугамыг тасалдуулах зорилготой гэж тайлбарлаж болох юм.

Нэмж дурдахад Байдены засаг захиргаа Хятадын хагас дамжуулагч компаниудыг Америкийн технологид нэвтрэхээс урьдчилан сэргийлэх арга хэмжээг авч байгаагаас гадна Хятадаас орж ирж буй хагас дамжуулагчийн импортын татварыг нэмэгдүүлэхээр төлөвлөж буй аж.

Гэвч Цагаан ордны Үндэсний аюулгүй байдлын зөвлөл болон АНУ-ын Худалдааны яам энэ талаар тайлбар өгөхөөс татгалзсан байна.

Эх сурвалж: YTN