“Формула-1” уралдааны энэ улирлын хоёр дахь Гран-при Саудын Арабын Жидда хотод өнөөдөр эхэлж байна.
Эхний гараа Бахрейнд болсон бөгөөд дэлхийн гурван удаагийн аварга, “Ред Булл” багийн гишүүн, нидерланд нисгэгч Макс Ферстаппен түрүүлжээ. Тэрбээр багийнхаа хамтрагч Мексикийн Серхио Перезээс 25 орчим секундээр түрүүлж барианд орсон байна. Гуравдугаар байрыг Испанийн Карлос Сайнс эзэлжээ.
2021 онд болсон Саудын Арабын анхны Гран-прид "Мерседес" багийн британи нисгэгч Льюис Хэмилтон, 2022 онд Ферстаппен, 2023 онд Перез түрүүлж байв.
Эх сурвалж: ТАСС /МОНЦАМЭ агентлаг/