Цус алдах чинь хамаагүй, эмч нар зөвлөгөөнтэй байна
2012, 2 сарын 1. 3:500
Утааны гамшгаас болж, тээж явсан үрийнх нь зүрх зогсон, улмаар ургаа хөндүүлэхээр /аборт хийх/ эмнэлэгт ирээд байхдаа тусламж авч чадалгүй их хэмжээний цус алдан үхэх дөхсөн нэгэн эмэгтэй манай сонинд өчигдөр өглөө хандсан юм. Түүнийг гурван сартай жирэмсэн байхад тээж явсан үрийнх нь “зүрх зогссон байна, авахуулах шаардлагатай” гэсэн мэдээг эмч нар дуулгажээ. Үүний дагуу тэрбээр өнгөрсөн бямба гаригт харьяаллынхаа дагуу Баянзүрх дүүргийн амаржих газар буюу III төрөхөд үзүүлэхэд “мягмар гаригийн 08.20 цагт ирээрэй” хэмээн буцаасан байна. Үүний дагуу тэрбээр хэлсэн хугацаанд нь эмнэлэгт ирсэн ч хүлээн авахын сувилагч “Эмч нар бүгдээрээ зөвлөгөөнд орсон. 10.00 цаг хүртэл хүлээ” гээд халгаагаагүй байна.
Энэ мэдээнд өгөх таны сэтгэгдэл?