2010, 2011, 2012 онд үзэгчдийн хүртээл болсон “Diary of a Wimpy Kid” киног үзээгүй 2000 оныхон гэж бараг үгүй гэлтэй. “Дүрсгүй жаалын өдрийн тэмдэглэл” хэмээн орчуулснаар олонд танигдсан тус кино нь нэр нэгт цуврал номоос сэдэвтэй комеди бүтээл юм.
Номын хувьд нийт 20 цуврал байдаг бол дэлгэцийн бүтээл хэлбэрээр ердөө 3 анги л хийгдсэн тус киноны дөрөвдүгээр анги 2017 онд үзэгчдийн хүртээл болох тухай мэдээлэл гарахад үзэж өссөн үеийнхэн нь туйлын баяртайгаар хүлээн авч байсан.
Гэвч төдөлгүй үнэнч үзэгчдийнх нь зүгээс ундууцлаа илэрхийлэх болсон нь кино багийнхан Грег Хэффли буюу дүрсгүй жаалын ахын дүрд өөр хүнийг тоглуулсан явдал байсан билээ. Улмаар тухайн үедээ л цахим орчинд “Not my Rodrick” буюу “манай Родрик л лав биш” гэх утга бүхий пост, нийтлэлүүд ч эрчимтэй тархсан.
Тэгвэл саяхан “Дүрсгүй жаалын өдрийн тэмдэглэл” киноны дөрөвдүгээр анги дээр дээрэнгүй ахынх нь дүрийг амилуулсан жүжигчин Чарли Райт тус киноны дараа түүнд юу тохиолдсон талаар хуваалцжээ.
Түүний хэлснээр, “Олон нийтийн зүгээс намайг Родрикийн дүрийг амилуулж байгааг мэдэх үед бүх зүйл аль хэдийнээ болоод өнгөрсөн байсан. Кино зураг авалт аль хэдийн дууссан байсан. Улмаар би дэлхий нийт мэдэх хэмжээний meme зургийн гол дүр болсон. Гэхдээ meme зураг гол асуудал байгаагүй. Харин миний гарал үүслийг олж мэдсэнээр арьс өнгөөр ялгаварлах, амиа хорлохыг зөвлөсөн сүрдүүлэг явуулах зэргээр дургүйцлээ илэрхийлсэн нь илүү хүнд туссан.
Би бараг 3 орчим жил сэтгэл гутралд орсон бөгөөд тэр бүх үзэн ядалт миний жүжигчний замналыг үгүйхийсэн. Гэхдээ би одоо ч энд, амьд байна. Бас үнэнээ хэлбэл, би анхнаасаа жүжиглэх дургүй байсан” гэжээ.
Тийнхүү Чарлигийн зүгээс шинэ YouTube суваг нээснээ зарлаж, жүжиглэхээс илүү бичлэг хийдэг хүн болох нь түүнд таалагдаж байгаа талаар өгүүлсэн байна.
Эх сурвалж: UNILAD
Хөөрхөн ном, хөөрхөн кино, хүүхдүүддээ уншиж өгч, өөрсдөөр нь уншуулаарай.