A Star is Born мюзикл уран сайхны киноны найруулагч, гол дүрийн жүжигчин Брэдли Күүпэр загвар өмсөгч Жижи Хадид нар өнгөрөгч бямба гарагт болзож, дахин олны өмнө хамт гарчээ.

21 насны зөрүүтэй хос хоёрын хувьд өнгөрөгч бямба гарагт Нью Йорк хотод тавигдсан “Свийни Тодд: Флийт гудамжны зэтгэр үсчин” мюзикл жүжгийг үзэн болзсоны дараагаар хотын гудмаар гар гараасаа хөтлөлцөн алхсан бөгөөд эл дүр зураг нь нууц дуранд өртсөн байна.

Гэхдээ эл болзоо нь хос хоёрын анхны болзоо биш юм. Тэд өмнө нь нэгэн оройн зоогт хамт явсан бөгөөд тус болзоо нь ч нууц дуранд өртөөд байсан билээ.

Ташрамд дурдахад Брэдли Күүпэр, Жижи Хадид хоёр хоёул өмнө нь амьдрал зохиож байсан бөгөөд тэд хоёул өмнөх амьдралаасаа нэг, нэг охинтой юм. Жүжигчин эрийн хувьд өмнө нь загвар өмсөгч Ирина Шейктэй үерхэж байсан бол загвар өмсөгч бүсгүйн хувьд охиныхоо эцэг Зейн Маликтай 5 орчим жил үерхээд салж байсан билээ.

Эх сурвалж: Daily Mail