Сонсогч бидний хувьд бүх цаг үеийн хамгийн романтик дуунуудын нэг бол яах аргагүй дуучин Жэймс Блантын дуулж амилуулсан “You’re Beautiful” дуу билээ. “Чи бол үзэсгэлэнтэй, энэ үнэн шүү” гэх утга бүхий энэ дууны эгшиг аяз ч эл утгыг улам тод өгүүлэх шиг болдог. Гэвч 2005 онд цацагдсан энэ дууны цаад утгыг дуучин Жэймс Блант ийн тайлбарлажээ.
Түүний өгүүлснээр, “Бүгд л, “Жэймс Блант үнэхээр романтик юм аа! Би түүний “You’re Beautiful” дууг хуримын ёслолынхоо үеэр эгшиглүүлмээр байна” гэдэг. Гэхдээ тэгж хэлдэг хүмүүс бол галзуу хүмүүс.
“You’re Beautiful” дуу бол ерөөсөө ч тийм намуухан, романтик дуу биш. Энэ дуу бол ерөнхийдөө метроны буудал дээр өөр хүний бүсгүйг эрээ цээргүй харж, гэтэж буй эрийн тухай дуу.
Дуун дээр гарч буй залуу бол тэнгэрт хөөрсөн цаасан шувуу мэт болтол мансуурч, метроны буудал дээр, залуу нь байсаар байхад түүний бүсгүйд шунан ширтэж буй эр. Бодит амьдрал дээр тийм эрийг гаж үйлдлийнх нь төлөө хорьж цагдаах ёстой” гэжээ.
Эх сурвалж: UNILAD