Орост хүчээр нэгтгэсэн Крымын хойгийн ойролцоох эрчим хүчний байгууламж руу Украины арми агаараас цохилт өгсөн талаар Ройтерс агентлаг мэдээллээ.
Тус мэдээнд дурдсанаар Украины арми өнгөрсөн шөнө Оросын өмнөд хэсгийн Туапсе хотын газрын тос боловсруулах үйлдвэрийг нисгэгчгүй нисэх төхөөрөмжөөр бөмбөгджээ.
Украины цэргийн албан тушаалтан “Бид дайсны хувьд чухал байгууламж руу цохилт өгч газрын тос боловсруулахад зориулагдсан вакуум нэрэх төхөөрөмжийг устгасан” гэж тайлбарлав.
Украины тал өнгөрөгч 18-ны өдөр баруун хойд Ленинград муж дахь газрын тосны терминал, 19-нд Оросын баруун бүсийн Брянск дахь газрын тосны агуулах руу дайрах зэргээр Оросын эрчим хүчний дэд бүтцэд чиглэсэн агаарын цохилтын давтамжаа нэмэгдүүлэх болжээ.
Эх сурвалж: YTN