Хятадын өнгөрөгч 10-р сарын экспорт өнгөрсөн оны мөн үетэй харьцуулахад 6.4 хувиар буурсан үзүүлэлттэй гарснаар тус улсын экспортын хэмжээ гурав дахь сардаа дараалан агшаад байна.

Хятадын Гаалийн ерөнхий газрын 7-ны өдөр мэдээлснээр, өнгөрөгч 10-р сарын экспортын хэмжээ 274 тэрбум 830 сая ам.долларт хүрсэн нь өнгөрсөн оны мөн үетэй харьцуулахад 6.4 хувиар буурсан болохыг онцолжээ.

Тодруулбал тус улсын экспортын өсөлтийн хурд өнгөрөгч 8-р сард 8.8 хувиар, 9-р сард 6.2 хувиар, 10-р сард ийнхүү 6.4 хувиар тус тус буурснаар гурван сар дараалан нэг оронтой тоогоор агшсан үзүүлэлттэй гарав. Өнгөрсөн сарын хувьд энэхүү буурсан үзүүлэлт нь зах зээлийн хүлээлтээс хамаагүй доогуур байсан нь ихээхэн анхаарал татсан байна. Тухайлбал Ройтерс агентлагийн зүгээс эдийн засгийн мэргэжилтнүүдийн дунд явуулсан судалгаагаар 10-р сард Хятадын экспорт 3.3 хувиар буурна гэж таамаглаж байсан аж.

Нөгөөтэйгүүр, мөн хугацаанд импорт 218.3 тэрбум ам.долларт хүрсэн нь өнгөрсөн оны мөн үеийнхээс 3.0 хувиар өссөн үзүүлэлт болов. Экспортоос импортыг хасч тооцсон 10-р сарын худалдааны ашиг 56.53 тэрбум ам.доллар болсон нь өмнөх сард 77.71 тэрбум ам.долларт хүрч байсантай харьцуулахад 27.3 хувиар буурсан явдал болжээ.

Эх сурвалж: JoongAng