Мягмар гарагт Хятадын Гаалийн ерөнхий газраас мэдээлснээр энэ оны эхний долоон сард Орос-Хятадын худалдааны эргэлт 134.1 тэрбум ам.долларт хүрчээ. Энэ нь өнгөрөгч оны мөн үетэй харьцуулахад даруй 36.5 хувиар өссөн үзүүлэлт юм.
Уг тайланг нарийвчлан авч үзвэл, өнгөрөгч долоон сарын хугацаанд Хятадын ОХУ руу экспортолсон бараа бүтээгдэхүүний хэмжээ 73.4 хувиар өсөж, 62.54 тэрбум ам.долларт тэнцсэн бол Хятадын ОХУ-аас импортолсон бараа бүтээгдэхүүний хэмжээ 15.1 хувиар өсөж, 71.55 тэрбум ам.долларт тэнцжээ.
Харин Хятад-Америкийн худалдаа эргэлт мөн хугацаанд 15.4 хувиар буурч, 381.51 тэрбум ам.долларт хүрсэн байна. Улмаар Хятад-Америкийн хоорондох экспорт, импортын хэмжээ хоёул буурсан бөгөөд Хятадын АНУ руу экспортолсон бараа бүтээгдэхүүний хэмжээ 18.6 хувиар буурч, Хятадын АНУ-аас импортолсон бараа бүтээгдэхүүний хэмжээ 4.7 хувиар буурчээ.
Эх сурвалж: ТАСС