Мягмар гарагт Лаос улсын Аж үйлдвэр, худалдааны яамны дэргэдэх Аж үйлдвэр, худалдааны хүрээлэнгийн ерөнхий захирал Кеоморакот Сидлаконе ТАСС мэдээллийн агентлагт өгсөн ярилцлагадаа Лаос улс Оросын Мир картыг хэрэглээнд нэвтрүүлэхээр төлөвлөж байгаа гэжээ.
Ингэснээр тус улсад аялах Оросын жуулчид Мир картаа ашиглан төлбөр тооцоогоо барагдуулах боломжтой болох юм.
Мир картыг одоогоор Куба, Венесуэл, Абхазия, Армени, Беларусь, Вьетнам, Казахстан, Киргизстан, Тажикстан, Өмнөд Солонгос, Өмнөд Оссетия улсууд хэрэглээндээ нэвтрүүлсэн байгаа билээ.
Гэвч ноён Сидлаконегийн зүгээс Мир карт яг хэзээнээс тус улсын хэрэглээнд нэвтрэхийг тодорхойлж хэлээгүй юм.
Мир картын хувьд сүүлд Куба улсаар хүлээн зөвшөөрүүлэн нийт 12 улсад ашиглагдах болжээ.
Эх сурвалж: ТАСС