Цар тахлын үед хүмүүсийн өргөнөөр хэрэглэж байсан Zoom платформыг нийлүүлэгч Zoom компани ажилтнуудаа оффисоос ажиллахыг шаардах болжээ.

Тэдний тайлбарласнаар ажиллах орчныг хайбрид байхаар шийдэх нь хамгийн оновчтой хувилбар тул оффисоос 80 километрийн радиуст оршин суудаг ажилтнууд долоо хоногт дор хаяж хоёр удаа оффисоос ажиллах ёстой гэж тэд тогтсон байна.

Стэнфордын Их Сургуулиас боловсруулсан судалгаагаар долоодугаар сард тус компанийн АНУ дахь ажилтнуудын 12 хувь нь зайнаас ажилласан бол 29 хувь нь хайбрид буюу зайнаас болон оффисоос гэсэн хосолмол байдлаар ажиллажээ. Харин Уолл Стрит Журнал сэтгүүлээс мэдээлснээр 2022 оны есдүгээр сараас хойш тус компанийн нийт ажилтнуудын ердөө 1 хувь нь л оффисоосоо, ердийн цагийн хуваариар ажилласан гэсэн юм.

Тийнхүү шийдвэрийн хүрээнд Zoom компаниас мэдэгдсэнээр, ажиллах орчныг хайбрид байхаар шийдвэрлэх нь компанийг өөрийн технологийг ашиглаж, шинийг санаачлах ажлаа үргэлжлүүлэх, олон улсын хэрэглэгчдээ дэмжихэд илүү дөхөм болгоно гэжээ.

Эх сурвалж: BBC