Мягмар гарагт биткоины ханш 31,000 ам.долларт хүрчээ. Улмаар шинжээчдийн зүгээс криптовалютын үнэлгээний өсөлтийн үе ирсэн гэж мэдэгдэх болсон байна.

CoinMarketCap веб хуудаснаас үзвэл мягмар гарагийн өглөө 10:00 цагийн үед нэгж биткоины ханш 31,324.06 ам.долларт хүрчээ. Харин 17:30 минутын байдлаар нэгж биткоин 31,013.09 ам.долларын үнэлгээтэй байгаа юм.

Биткоины ханшийн хувьд хамгийн сүүлд өнгөрөгч оны зургаадугаар сарын долооны өдөр 31,000 ам.долларт хүрч байсан билээ.

Тийнхүү криптовалютын хамгийн өндөр үнэлгээтэй коины ханш өсөхтэй зэрэгцэн бусад коины ханш ч өссөн юм. Мягмар гарагийн 17:30 минутын байдлаар л гэхэд нэг ширхэг эфериум 1,954.20 ам.долларын үнэлгээтэй байна.

Эх сурвалж: CoinMarketCap