Ням гарагт CNN сувгаас мэдээлснээр зургаан жилийн турш сураггүй алга болоод британи хүү Франц улсаас олдож, эсэн мэнд нутаг буцжээ.

Алекс Батти гэх хүүгийн хувьд 11 настайдаа ээж, өвөөгийнхөө хамтаар Испани улсад амралтаараа аялахаар явсан ч эргэж ирэлгүй сураггүй алга болоод байсан юм.

Хэвлэлийнхний мэдээлж байгаагаар өдгөө 17 настай хүүг Франц улсын Тулуз гэх хотын ойролцоогоос олсон гэх бөгөөд түүнийг Фабиен Аксидини гэх эр олжээ.

Улмаар Фабиен гэх эрийн хэлснээр хүү түүнд өөрийгөө таван жилийн өмнө Марокко улсад ээждээ барьцаалагдаж, Испани яваад өнгөрөгч хоёр жилийн хугацаанд Франц улсад амьдарч байна гэж тайлбарласан гэнэ. Түүний өгүүлснээр хүүгийн ээж сэтгэцийн хувьд эрүүл бус тул түүнийг тийм байдалд үлдээсэн гэжээ.

Тодруулахад, хүүгийн албан ёсны асран хамгаалагчаар түүний ээж бус харин эмээ нь байдаг юм. Тийнхүү хүү эх орондоо эргэн ирээд эмээтэйгээ хамт амьдрах болжээ.

Эх сурвалж: CNN