Коронавирусийн эсрэг вакцины үйлдвэрлэлийн хамгийн их хувийг бүрдүүлдэг Энэтхэг улс аравдугаар сараас вакцины экспортоо эргүүлэн нээх болсноо мэдэгджээ.
Энэтхэг улсын хувьд өнгөрөгч дөрөвдүгээр сард дотоодын халдвар эрчимжиж, вакцины эрэлт нэмэгдсэнтэй холбогдуулан экспортоо зогсоогоод байсан юм. Тэгвэл даваа гарагт Энэтхэгийн Эрүүл мэндийн сайд Мансух Мандавиягийн мэдэгдсэнээр тус улс ирэх сард 300 саяас дээш тун вакцин үйлдвэрлэхийг зорьж байгаа бөгөөд илүү гарсан бүх тунг тусламж болгон илгээхээр шийдвэрлэсэн гэжээ.
Тэрээр хэвлэлийнхэнд өгсөн ярилцлагадаа, “Бид Ковакс хөтөлбөрөөр дамжуулан өөрсдийн үүргийг биелүүлж, дэлхийд туслах болно” хэмээн мэдэгдсэн байна.
Тэдний зүгээс энэ оны дотор бүх насанд хүрэгчдээ вакцинд хамруулах хүсэлтэй байгаа ба нэгдүгээр сараас хойш нийт 818 сая гаруй тун вакцин хийсэн юм.
Одоогийн байдлаар хүн амын талаас илүү хувь нь дор хаяж нэг тун вакцин хийлгээд байгаагаас вакцин хийлгэх насны хүн амын ердөө 21 хувь нь вакцинжуулалтад бүрэн хамрагдсан байна.
Эх сурвалж: BBC