Формула-1 ба MotoGP нэг компанийн эзэмшилд очлоо
4 сарын 2. 11:070

“Формула-1” уралдааны эрхийг эзэмшдэг Liberty Media компани даваа гарагт мотоциклийн уралдааны MotoGP ангиллын дэлхийн аварга шалгаруулах тэмцээний эрхийг 4.2 тэрбум еврогоор /4.5 тэрбум ам.доллар/ худалдаж авчээ.

АНУ-д төвтэй Liberty Media компани MotoGP-ийн одоогийн эзэмшигч Dorna компанийн хувьцааны 86 орчим хувийг худалдаж авна гэдгээ мэдэгдсэн байна.

Liberty Media-гийн ерөнхийлөгч бөгөөд гүйцэтгэх захирал Грег Маффей хэлэхдээ, MotoGP-ийг худалдаж авснаар дэлхийд тэргүүлэгч спортын болон энтертайнмент хөрөнгийн багцаа тэлж байгаадаа бид баяртай байна гэлээ.

MotoGP цаашид хэрхэх вэ?

Dorna-гийн удирдлага хувьцааныхаа 14 орчим хувийг авч үлдэх бөгөөд олон жилийн турш гүйцэтгэх захирлаар ажилласан Кармело Эзпелета албан тушаалдаа үлдэх ажээ.

“Энэ бол MotoGP-ийн хувьсал хөгжлийн дараагийн алхам бөгөөд энэхүү түүхэн шийдвэр нь Dorna, MotoGP-ийн талбай, хөгжөөн дэмжигчдэд цаашид ямар өгөөж авчрахыг тэсэн ядан хүлээж байна. Бид дэлхийн хэмжээнд хүргэж хөгжүүлсэн спортоороо бахархаж байгаа бөгөөд түүнийг худалдсан мөнгөн дүн нь уг спортын үнэ цэн, цаашдын хөгжлийн чадавхийг харуулж байна” гэж К.Эзпелета хэлэв.

F1, MotoGP хоёр нэгэн дээвэр дор

Хэлэлцээрийг 2024 оны сүүлчээр эцэслэн дуусгах төлөвтэй байна. Гэсэн хэдий ч уг хэлэлцээрийг өрсөлдөөнийг зохицуулдаг байгууллагууд хянан шалгаж магадгүй юм.

Өмнө нь CVC Capital Partners компани F1 ба MotoGP-ийг хоёуланг нь эзэмшдэг байсан боловч Европын Холбооны өрсөлдөөнийг зохицуулагч байгууллагуудын эсэргүүцэлтэй тулгарч, F1-ийг худалдаж авахын тулд мотоциклийн уралдааны эрхээ зарахаас аргагүйд хүрч байв.


Эх сурвалж: DW /МОНЦАМЭ агентлаг/

Энэ мэдээнд өгөх таны сэтгэгдэл?
0
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
Европын холбоо ОХУ-ын эсрэг шинэ хориг арга хэмжээнд байгалийн хийг хамруулахаар төлөвлөж байна
02024-4-29 10:10
Илон Маск Хятадад айлчлан автомат жолоодлогын системийг нэвтрүүлэх талаар ярилцжээ
02024-4-29 8:55
Меta компанийн хувьцаа 2-р улирлын борлуулалтын таамаглалаас болж 10 гаруй хувиар унажээ
02024-4-26 12:12
Сансар огторгуйн гэрээний тухай тогтоолд ОХУ хориг тавьсныг АНУ шүүмжилжээ
02024-4-25 18:35
Газрын тосны үнэ өсжээ
02024-4-25 18:33
Нисэх онгоц тээгч “Жорж Вашингтон” хөлөг онгоц Япон руу хөдөлнө
02024-4-25 16:26
Чип суулгуулсан өвчтөн бодлоороо ханз үсэг бичиж чаджээ
02024-4-25 16:18
Хуванцрын бохирдолтой тэмцэх тухай гэрээний асуудлаарх уулзалт Канадад эхэлжээ
02024-4-25 16:09
Испанийн Ерөнхий сайд огцрох эсэхээ эргэцүүлнэ
02024-4-25 16:05
АНУ: 20 гаруй жилийн өмнөх гэмт хэргийн буруутан амьсгал хураахаасаа өмнө хэргээ хүлээжээ
02024-4-25 16:01