Жүжигчин Роберт Паттинсон болон түүний сүйт бүсгүй, дуучин Сүки Уотерхаус нар анхны хүүхдээ өлгийдөн авчээ.
Сүки Уотерхаусын хувьд хамгийн сүүлд хоёрдугаар сарын 24-ий өдөр олны өмнө ил гарсан бөгөөд түүнээс хойш нууц дуранд өртөөгүй юм. Тэгвэл мягмар гарагт хос хоёр гэр бүлийнхээ гуравдагч гишүүний хамтаар салхилж буй нь нууц дуранд өртжээ.
Их Британийн Daily Mail хуудаснаас мэдээлж байгаагаар хос хоёр одоогоор хүүхдийнхээ хүйсийг олон нийтэд ил болгоогүй байгаа бөгөөд Сүкигийн хувьд сүүлийн 3 долоон хоногийн хугацаанд Инстаграм хуудаснаа идэвхгүй байгаа юм.
Ташрамд дурдахад, хос хоёр анх 2018 оноос болзож эхэлсэн бөгөөд өнгөрсөн онд л хамтран амьдрах болсон билээ. Мөн хэвлэлийнхний мэдээлж байгаагаар жүжигчин залуугийн зүгээс Сүкитэй сүй тавихад нийт 330,000 ам.долларыг сүйн бөгжинд зарцуулсан гэнэ.
Эх сурвалж: Daily Mail