Пүрэв гарагт Page Six сувгаас мэдээлснээр эх сурвалжуудын тэдэнд уламжилсан дагуу дуучин Тэйлор Свифт, америк хөлбөмбөгийн тамирчин Трэвис Келси нар ирэх зун сүй тавихаар тохирсон гэжээ.

Эх сурвалжийн хэлснээр Трэвис Келси энэ өвлийн амралтын үеэр л сүй тавихаар зэхэж байсан ч хэтэрхий яарсан санагдаж магадгүй хэмээн болгоомжлоод хойшлуулсан гэнэ. Мөн тэрээр ирэх Валентины баяраар ч Тэйлор Свифтийн өмнө өвдөг сөгдөн “Надтай гэрлэх үү?” гэж асуухгүй юм. Шалтгаан нь бас л хэт тулгаж, яаруулахыг хүсэхгүй байгаа гэдэг ажээ.

Эх сурвалжийн хэлснээр, “Тэйлор, Трэвис хоёр энэ талаар ярилцсан. Бас тэдэнд өөрсдийн гэсэн төлөвлөгөө ч бий. Төлөвлөгөө ёсоор бол тэд ирэх долоодугаар сард, болзож эхэлсэн нэг жилийн ойгоороо сүй тавина” гэсэн байна.

Эх сурвалж: Page Six