CNN сувгаас мэдээлснээр АНУ-ын Калифорни муж түргэн хоолны сүлжээ ресторануудын ажилтнуудын хөдөлмөрийн хөлсний доод хэмжээг нэмэгдүүлжээ. Улмаар тэдний хөдөлмөрийн хөлсний доод хэмжээг нэмэгдүүлэх тухай тогтоомжид мужийн захирагч Гэвин Ньюсом пүрэв гарагт гарын үсгээ зурснаа шийдвэр баталгаажсан байна.

Тийнхүү тогтоомжийн хүрээнд тус салбарт ажиллагсдын хөдөлмөрийн хөлсний доод хэмжээ цагийн 20 ам.доллар болох болжээ.

Одооогийн байдлаар түргэн хоолны сүлжээ ресторануудын ажилтнуудын хөдөлмөрийн хөлсний доод хэмжээ цагийн 15.50 ам.долларын үнэлгээтэй байгаа бол ирэх оны нэгдүгээр сарын нэгний өдрөөс энэ нь цагийн 16 ам.доллар болж, 2024 оны дөрөвдүгээр сараас цагийн 20 ам.доллар болох юм.

Гэвч уг тогтоомжид нэг шаардлага байх нь хөдөлмөр эрхлэгчдийн ажилладаг түргэн хоолны сүлжээ нь АНУ-ын нутаг дэвсгэрт 60 болон түүнээс дээш салбартай байх гэнэ. Хэрэв түргэн хоолны сүлжээ нь уг шаардлагыг хангахгүй аваас ажилтнуудын хөдөлмөрийн хөлсний доод хэмжээ нэмэгдэхгүй ажээ.

Эх сурвалж: CNN