Мягмар гарагт ОХУ-ын Төв банк шуурхай хурал зарлаж, бодлогын хүүгээ 12 хувьд хүргэжээ.

BBC сувгаас мэдээлснээр шуурхай хурал зарлах болсон шалтгаан нь рублийн ам.доллартой харьцах ханш хурдацтай суларч, сүүлийн 16 сарын хугацаан дахь доод үнэлгээнд хүрсэнтэй холбоотой юм. Гэсэн ч Оросын Төв банкнаас мэдэгдсэнээр тэд наймдугаар сард 4.4 хувьтай бүртгэгдсэн инфляцыг бууруулахаар бодлогын хүүгээ 8.5 хувиас 12 хувьд хүргэсэн гэжээ.

ОХУ-ын Төв банкны хувьд бодлогын хүүгээ ийн огцом өсгөж байгаа нь анхны үзэгдэл биш юм. Тодруулбал, тэд Украины нутаг дэвсгэрийг түрэмгийлж эхлэх үед тэд бодлогын хүүгээ 9.5 хувиас 20 хувьд хүргэсэн бөгөөд түүнээс хойш бодлогын хүүгээ бага багаар танасаар 8.5 хувьд хүрээд байсан билээ.

Эх сурвалж: BBC