Электрон тамхины Juul Labs компани хэрэглэгчдийн насыг баталгаажуулдаг тохиргоотой “дараагийн үеийн” электрон тамхиа бүтээжээ. Тийнхүү Juul Labs компанийн зүгээс бүтээсэн төхөөрөмжөө худалдаалах зөвшөөрлийг авахаар хүлээж байгаа гэнэ.
Шинэ төхөөрөмжийн хувьд гар утасны тусгай аппликейшнтэй холбогдох бөгөөд хэрэглэгчид өөрсдийн иргэний үнэмлэхийн зургийг оруулах эсхүл бодит цагийн зургаа авч, хувийн мэдээллээ оруулах ёстой юм. Ингэснээр аппликейшн тэдний мэдээллийг гуравдагч этгээдийн мэдээллийн сантай тулгаж, насыг нь баталгаажуулах ажээ. Улмаар хэрэглэгч 21 болон түүнээ дээш настай бол тус электрон тамхийг ашиглах юм.
Juul Labs компаниас мэдэгдсэнээр тэд шинэ төхөөрөмжөө Их Британи, Канадын зах зээлд аль хэдийн худалдаалж эхэлсэн бол АНУ-ын зах зээлд худалдаалах зөвшөөрлөө хүлээж байгаа гэсэн байна.
Эх сурвалж: CNN
Өөр хэрэглээний бүтээгдэхүүн үйлдвэрлэж болдоггүй заавал тамхи үйлдвэрлэдэг хаашаа янзын үйлдвэр....гээч вэ