Их Британи улс дахь хамгийн өндөр борлуулалттай автомашин болох Ford компанийн Fiesta загварын сүүлийн автомашин өнгөрөгч долоо хоногийн баасан гарагт үйлдвэрлэлийн шугамд нэвтэрчээ. Ингэснээр тус загвар 50 гаруй жилийн түүхэн замналаа өндөрлүүлж байгаа юм.
BBC сувгаас мэдээлж байгаагаар тэд сүүлийн загварыг ХБНГУ-ын Кельн хот дахь үйлдвэртээ үйлдвэрлэнэ гэжээ. Улмаар тус автомашиныг үйлдвэрлэж дууссан хойно тэд Кельн хот дахь үйлдвэрийг цахилгаан автомашины үйлдвэр болгон өөрчлөх юм.
Анх 1976 онд үйлдвэрлэгдэж, олон нийтийн дунд өөрийн нэр хүндийг олж авсан Ford Fiesta загварын автомашин дэлхий дахинаа нийт 22 сая гаруй ширхэг борлуулагдсан ажээ.
Тийнхүү 2022 оны хамгийн алдартай 10 автомашины аравдугаарт жагссан тус загварын хамгийн сүүлийн 2 автомашиныг Ford компани өөрсдийн цуглуулгад хадгалах гэнэ.
Эх сурвалж: BBC