Заримдаа ярилцлагын явцад өөрийгөө ‘гайхалтай сэтгэгдэл үлдээж чадлаа’ гэж боддог л биз дээ? Гэхдээ хэтрүүлэн бодох хэрэггүй. Та бүх зүйлээ тоймлон ярьж, өөртөө бүрэн итгэлтэйгээр ярилцлагыг цааш үргэлжлүүлж байтал хаанаас ч юм бүү мэд “Биднийг мэдээсэй гэж хүссэн өөр зүйл байна уу?” гэсэн асуулт гарч ирэх нь тэр.

Тэд юу бодож ийм асуулт тавьсан байж болох вэ? Ийм асуултыг тавих хэд хэдэн шалтгаан бий.

Дуусцан уу? Үнэхээр өөр ярих зүйл үлдээгүй гэж үү?

Ярилцлага авагч таныг ‘өөрийнхөө давуу талыг юу гэж боддог’ мөн ‘бүтэлгүй явдлыг хэрхэн аргалдаг’ талаар л голдуу мэдэхийг хүсдэг. Таньд энэ асуултыг тавьсан нь асуугаагүй орхисон асуулт байж магад. Тиймээс таныг дур мэдэн дуртай асуултандаа хариулт өгөх боломжийг олгож байгаа юм. Ихэнх ярилцлага авагчид мэргэжлийн хүмүүс биш байдаг. Тэд хийдэг үндсэн ажилдаа л гаршсан хүмүүс.

Тэгэхээр та энэ асуултыг уриалга мэтээр хүлээж аваарай. Хэлэх боломж олдоогүй зүйлээ хэлэх боломжтой. Ийм маягаар эхлүүлж болно “Бид бүхий л сэдвийг хамран ярилцсан. Гэхдээ би өөрийн нэгэн туршлагыг онцолмоор байна.”. Таны дурдах энэ туршлага нэлээд дээр үеийнх эсвэл ярилцлагын үеэр дурдаагүй туршлага байж болно. Хамгийн гол нь тус ажлын байртай холбоотой байх хэрэгтэй.

Тө өөрийн чадвараа надад дүгнэн хэлж чадах уу?

Тэд яг ингэж бодоогүй л дээ. Та хэлэхийг хүссэн зүйлээ хэлвэл сайн хэрэг. Гэхдээ тийм зүйл байхгүй бол эсвэл хэлэхийг хүссэн зүйл тань маш бага бол өөрийн чадвараа хураангуйлан хэлэх хэрэгтэй. Ингэх нь “Үгүй ээ. Надад хэлэхийг хүссэн зүйл байхгүй”гэсэн хариултаас хэд дахин оновчтой хариулт.

Та хариултаа ийм маягаар эхлүүлж болно: “Бид ихэнхи сэдвийн талаар ярьсан гэж бодож байна. Гэхдээ дүгнэн хэлэхэд та их тэмүүлэлтэй хүнийг хайж байгаа бололтой. Миний өмнөх ажлын туршлага [туршлагаа тоочин ярина] сайн зохицох бололтой.” Гол нь хэтэрхий их нурших хэрэггүй.

Өөрийгөө хэр сайн тохирохоо дахин баталсныхаа дараагаар тус компанид ажиллахыг хүсч буйгаа тодруулах хэрэгтэй. Энэ бол ярилцлагыг дүгнэх шалгарсан арга. Мөн ямар ч сөрөг үр дагаваргүй.

Эцэст нь дүгнэн хэлэхэд “Биднийг мэдээсэй гэж хүссэн өөр зүйл байна уу?”гэсэн асуулт бол ярилцлагыг хүчтэй дуусгах урилга гэж бод. Өөрийн чадвараа онцлох эсвэл ажлын туршлагаа дурдах эсэх нь хамаагүй. Ямар ч байсан энэ боломжийг зүгээр өнгөрүүлж хэрхэвч болохгүй.