Товч агуулга:
Үндсэндээ өнгөрсөн оны эцэст байгууллагын зээл бараг зогсож, иргэдэд ердөө 5.0 тэрбум орчим төгрөгийн зээл л олгосон байна. Он гарснаас хойш иргэдийн зээл л нэмэгдсэнээс биш бизнесийн болон бусад зээл зогссон хэвээрээ. Сүүлийн 13 сарын турш гүйлгээнд байгаа бэлэн мөнгөний хэмжээ жилийн өмнөхөөсөө 2.5 хувиар багасч, өнгөрсөн сард 713.8 тэрбум төгрөг болжээ. Монголбанкны тойм мэдээгээр нөөц мөнгө өнгөрсөн жилийнхээс 19.5 хувиар буурсан байна. М1 болон бусад хадгаламж 4.5-5.6 хувиар хорогджээ. Үндсэндээ санхүүгийн салбарын үзүүлэлтүүд тэр чигээрээ хасах гарч. Ганцхан тоо л өсөлттэй дүн үзүүлсэн нь зээлийн үлдэгдэл, чанаргүй зээлийн хэмжээ.