Ванга хэзээ ч ямар нэг үйл явдыг шууд хэлж заадаггүй байсан. Дандаа оньсого зүйрлэлээр илэрхийлэн тухайн үйл явдалд хүргэж болзошгүй алхам, үйл хөдлөлийг нэрлэдэг байв. Ванга хэзээ ч ертөнцийн мөхөл ирнэ гэж зөгнөж байгаагүй. Гэхдээ тэрээр 2015 оны сүүл 2016 оны эхээр эрин үе солигдоно гэж байжээ.
Дэлхийн хүмүүс том бэрхшээл хүндрэл, туршилтад өртөж, зарим нь энэ бүхнийг тэсч туулж чадахгүй гэжээ. 2016 онд үндэстний ба шашины асуудлын улмаас геополитикийн нөхцөл байдал хүндэрнэ. Түүнчлэн цэргийн зөрчил мөргөлдөөн дэгдэж, бөөнөөр хоморголон хөнөөх зэвсэг ашиглаж магадгүй. Гэхдээ яг хаана хэн ийм зэвсэг хэрэглэхийг Ванга тодруулсангүй. Ирэх онд Ойрхи Дорнод ба Израильд цэргийн үйл ажиллагаа улам хүчээ авах шинжтэй. Эдгээр үйл явдал шинэ газар нутгуудыг хамарч, ноцтой үр дагаварт хүргэн олон хүний амь насыг авч одно. Бүс нутаг даяар асар том уршиг дагавартай улс төрийн хямрал дэгдэж, Гүрж, Афганистаныг нөмрөн авч магадгүй.