Хүн хүслээ биелүүлэх сайхан. Хүний дайтай явж байгаагаа харуулах бүр ч сайхан. Ажил амьдралын амтыг дөнгөж амсаж эхэлж буй залуучууд бушуухан л бүх зүйлтэй болохыг хүсдэг нь дамжиггүй. Тэд хамгийн түрүүнд машинтай болохыг боддог болж. Гэхдээ яаж гэдгээ сайн тунгаах хэрэгтэй. Тухайлбал “ажилд ороод 5 сар болж байна. Машин лизингээр өгдөг газар байна уу...” гэсэн асуултууд бага гэлтгүй бидэнд ирдэг. Залуу насанд хийх ёстой хамгийн гол зүйл болох хуримтлалын талаар бодолгүйгээр шууд зээлээр бүхнийг авахыг хүсэх нь элбэг болж.