Хэрвээ танд итгэл байхгүй л бол удирдлага, үнэ цэнэ, гэр бүл, түншлэлийн хүрээ гээд бүх харилцаан дээр таны харилцаа асуудалтай тулгарах болно.
Варрен Беннис /Warren Bennis/ “Удирдагч болохуй” номондоо: “Шударга байдал бол итгэлийн суурь юм. Энэ нь удирдлагын эцсийн үр дүн болдог. Хэрвээ шударга чанарыг өөрийн болгож чадаагүй бол хамт ажиллагсад, гэр бүлийн хүмүүсээс гээд эргэн тойрныхоо хүмүүсээс энэхүү чадварыг зайлшгүй хайж олоод эзэмш. Үүнгүйгээр үнэндээ жинхэнэ удирдагч байж чадахгүй” гэсэн байдаг.
Энэхүү чанар зөвхөн удирдагч болон дагалдагчийн хоорондох харилцаан дээр яригдах төдий зүйл биш. Хүний нийгмийн харилцааны бүхий л түвшинд оролцож байгаагийн хувьд хүн бүр гарцаагүй энэ үнэнийг амсдаг. Бусад хүмүүс танд итгэх итгэлийг авч, хөгжүүлнэ гэдэг бол барилга барихтай л адил зүйл. Үүнд цаг хугацаа хэрэгтэй. Бага багаар цагийн юмыг цагт нь амжуулж хийхтэй адил юм. Аливаа барилга байшин нурж сүйдлээ гэхэд суурь нь бат бэх бол дахиад түүн дээр илүү сайн барилга барьж босгож болно шүү дээ.