Иргэн Дорж саяхан эхнэр хүүхдийн хамтаар орон сууцны ипотекийн найман хувийн хүүтэй зээлд хамрагдаж, шинэ байрандаа оржээ. Ипотекийн орон сууцны зээлд хамрагдана гэдэг хувь хүнээс санхүүгийн маш чанд дэглэм шаарддаг. Зээлээ төлж чадахгүй, хугацаа хэтрүүлбэл, торгууль алданги, бүр цаашлаад зээлийн хүү нэмэгдэх хүртэл хатуу шаардлагатай. Тиймээс Дорж цаашдаа цалингаа хий дэмий зүйлд үрж дуусгах, эсвэл ажлаа таслах, даргатайгаа хэрэлдэх, халагдах, архи уух “эрхгүй” болсон. Ажилдаа улам их анхаарч, цалингаа нэмэгдүүлэхийн төлөө илүү үр бүтээлтэй, хөдөлмөрлөж эхэлжээ. Түүний хичээл зүтгэл, үр бүтээмжтэй ажлын үр дүнд компани илүү их ашиг олж, өргөжин дэвжиж, өөрөө ч тушаал дэвшсэн байна.