МОСТ Финтек ХХК нь үндэсний хэмжээний төлбөр тооцооны онлайн дэд бүтэц байгуулах зориго өмнөө тавин 2008 онд байгуулагдсан Монгол Улсын анхны финтек компани юм.Байгуулагдсан цагаасаа эхлэн Монгол Улсын төлбөр тооцооны зах зээлд олон шинэчлэлт өөрчлөлт оруулсан шинийг эрэлхийлэгч нар билээ. Бид дараах үйлчилгээг санхүүгийн 4 банк, 7 ББСБ-д үзүүлж байна.

• Most Money wallet
• Төлбөр тооцооны дэд бүтэц
• Банк хоорондын гүйлгээ, клиринг

Монгол Улсын нутаг дэвсгэрт электрон төлбөр тооцооны нэгдсэн сүлжээ үүсэж байгаа явдал нь электрон төлбөрийн давхардсан урсгалыг үгүй болгож, нэг зориулалтын өөр өөр шийдэл, тоног төхөөрөмжийг давхардуулан байрлуулах явдлыг халах замаар банк, санхүүгийн салбарын үйлчилгээний өртгийг үлэмж бууруулна.

Олон улсын электрон төлбөр тооцооны Visa International, Master Card, PayPal болон банк хоорондын SWIFT сүлжээнд бүс нутгийн салбар товчооны статусаар нэгдэн орох замаар дотоодын худалдаа эрхлэгчдийн бараа, үйлчилгээг (онгоц, галт тэрэгний тийз, зочид буудал, жуулчны болон бусад төрлийн үйлчилгээ) интернэтээр дэлхийн зах зээлд арилжаалах төлбөр тооцооны болон олон улсын банк хоорондын тооцооны өртгийг эрс бууруулах арга хэмжээ авна.