Монре Даатгал ХХК нь 1995 онд байгуулагдаж өнөөг хүртэл амжилттай үйл ажиллагаа явуулж байгаа Монголын даатгалын ууган компаниудын нэг юм.
Манай компани нь Монгол улсад арилжааны даатгалын зах зээл шинэ шатанд үүсэж хөгжихөд зохих хувь нэмэр оруулан, өөрийн орны онцлогт тохирсон шинэ бүтээгдэхүүн үйлчилгээгээ Улаанбаатар хотын 4, орон нутгийн 10 салбараараа дамжуулан орон тооны 50 ажилтан, 150 гаруй төлөөлөгчтэйгээр иргэд, байгууллагад хүргэн ажиллаж байна. Бид иргэд болон байгууллагуудэрсдлээ зөв тогтоож оновчтой удирдах, цаашилбал үйл ажиллагаа болон санхүүгийн тогтвортой байдлаа хангаж ажиллахад нь туслах зорилгоор харилцагч бүрийн онцлогт тохирсон даатгалын бүтээгдэхүүн үйлчилгээг боловсруулан санал болгодог.
Манай компани байгуулагдсан цагаасаа хойш дотоод болон гадаадын төрөл бүрийн томоохон төсөл хөтөлбөрүүдэд байнга оролцож ирсэн бөгөөд 2012 оноос Дэлхийн банкнаас хэрэгжүүлж буй "Малын Индексжүүлсэн Даатгал" төсөлд шалгарч орон нутаг дахь салбаруудаараа дамжуулан Малын эрсдлийн даатгалын бүтээгдэхүүнийг борлуулж байна. 2012 оны жилийн эцсийн байдлаар манай компани 32,800 орчим иргэн, 1,650 орчим даатгалын үйлчилгээг үзүүлж байнгын харилцаатай хамтран ажиллаж байна.
Олон улсын стандартад нийцсэн даатгалын мэргэжлийн үйлчилгээг үзүүлж, монголдоо төдийгүй дэлхийн түвшинд өрсөлдөгч компани байна.
1. Банк, Санхүү, Даатгал
1995
50