Шинэ Замнал ТББ-ын дэргэдэх Зүймэл даавуун урлалын төв нь 2004 онд байгуулагдсан. Бид зүймэл даавуун урлалыг хөгжүүлэх, олон нийтэд ашиг тусыг нь таниулах, түүгээр дамжуулан хөгжлийн бэрхшээлтэй иргэд болон өрх толгойлсон эмзэг бүлгийн эмэгтэйчүүдэд чиглэн сургалт явуулж, байгальд ээлтэй бүтээгдэхүүн үйлдвэрлэх, юмханаар юм хийх арга ухаанд сургахын зэрэгцээ гэрээр нь ажил олгон, амьдрал ахуйг нь дэмжин ажилладаг.

Тус төв нь АНУ, Их Британи, Япон улсын зүймэл даавуун урлал, гар урлалын олон улсын байгууллагуудтай хамтран Зүймэл Даавуун Урлалыг хөгжүүлэн туршлага солилцон ажилладаг.

Манай төвийн давуу тал нь эелдэг найрсаг хамт олонтой уян хатан цагийн нөхцөлтэй. Сурч боловсрох боломж нөхцөлөөр ханган ажилладаг. Мөн гадаад болон дотоодын жуулчид ирдэг учир нэтворкинг хийж өөрийгөө хөгжүүлэх бүрэн боломжтой. Та бүхэнд манай үүд хаалга үргэлж нээлттэй.