Монгол Улсын арьс ширний үйлдвэрлэлийн салбарт тэргүүлэгчдийн нэг “Дархан минж” ХХК нь 1992 оноос эхлэн үйл ажиллагаа явуулж байгаа бөгөөд Дархан хотод арьс боловсруулах үйлдвэрээ байгуулснаас хойш эдүгээ жилд 250,000 ширхэг хонины нэхийг анхан шатнаас эцсийн боловсруулалт хийх, түүнчлэн Улаанбаатар хотод оёдлын үйлдвэр нь жилд 20,000-35,000 ширхэг нэхий дээл, савхин хувцас, гутал, бусад нэхий эдлэл бүтээгдэхүүн үйлдвэрлэж байна.

Өнөөдрийн байдлаар бид Монгол орны байгаль цаг уурын эрс тэс нөхцөлд дасан зохицсон монгол хонины нэхийг орчин үеийн дэвшилтэт техник, технологийн тусламжтайгаар арьсыг хагас болон 100% бүтэн боловсруулах, нэхий болон савхин бэлэн гадуур хувцас, эдлэл, ажлын болон тусгай зориулалтын хувцсыг үйлдвэрлэн борлуулахаас гадна нэхий эдлэлд цэвэрлэгээ ба нөхөн сэргээлт хийх үйлчилгээ эрхэлжбайна.

Түүнчлэн чанар стандартын шаардлага хангасан чанартай, загварлаг нэхий дээл, эдлэл, савхин хувцас, арьс ширэн бүтээгдэхүүнийг дотоод болон гадаадын зах зээлд худалдаалж байна.