Үндсэн хувилбар
Монгол улс, Улаанбаатар хот, Сүхбаатар дүүрэг, БНБолгар Улсын Элчин Сайдын яамны байр

Бидний тухай

Монголын 100 хувийн хөрөнгө оруулалттай Алтайн Хүдэр ХХК нь 2006 онд үүсгэн байгуулагдсанаасаа хойш хурдацтай өсөж хөгжиж, өнөөдрийн байдлаар Монгол инженер, мэргэжилтнүүдээс бүрдсэн 1200 гаруй ажилтнуудтайгаар Говь-Алтай аймгийн Цээл сумын нутаг дахь Уулын Баяжуулах Таяннуур Үйлдвэрт төмрийн хүдэр олборлох, баяжуулах, тээвэрлэх, экспортлох цогц үйл ажиллагаа явуулж байна. 


Уулын Баяжуулах Таяннуурын Үйлдвэр нь Улаанбаатар хотоос 1300 км, Монгол Улсын Бургастай боомтоос 168 км зайд оршдог. 


Манай компани өөрийгөө болон бусдыг хөгжүүлэх, үлгэр жишээ үзүүлэн манлайлах, үр дүнтэйгээр харилцаж, хамтран ажиллах, ухаалгаар эрсдэлийг тооцоолж асуудлыг шийдвэрлэх, мэргэжлийн өндөр төвшний үр дүн гаргах ажилтнуудыг бүх талаар дэмжих хүний нөөцийн бодлого хэрэгжүүлдэг бөгөөд Танд манай компанийн ажилтан болсноор дараах боломжууд нээгдэнэ.

  • Ажлын үр дүнгээ шударга бодитойгоор үнэлүүлж, өрсөлдөхүйц цалин урамшуулал авах;
  • Үндэсний хөрөнгө оруулалттай уул уурхайн компанид мэргэжлээрээ ажиллаж, өсөж дэвших;
  • Эрч хүчтэй, чадварлаг хамт олонтой тав тухтай, таатай орчинд ажиллах;
  • Ажилдаа мэргэших, өсөж хөгжихөд шаардлагатай сургалтуудад системтэйгээр хамрагдах;
  • Хамт олонтойгоо спорт, урлаг соёлын арга хэмжээнүүдэд оролцож, чөлөөт цагаа зөв боловсон өнгөрүүлэх;

Манай компани ажилтнуудынхаа нийгмийн асуудлыг шийдвэрлэх, тав тухтай ажиллах нөхцөлийг бүрдүүлэх зорилгоор ажилтнуудаа эрүүл мэндийн урьдчилан сэргийлэх үзлэгт хамруулах, хөнгөлөлттэй нөхцөлөөр банкны зээлд хамруулах, цалингийн урьдчилгаа олгох,гэнэтийн ослын даатгалд хамруулах, ажлын амжилт гаргасан ажилтнуудыг Монголын үзэсгэлэнт газар болох Хөвсгөл далайн эрэг дээрх амралтын газар болон гадаад улсад аялуулж амраах, компанийн болон төр засгийн шагналд дагалдах мөнгөн шагнал олгодог. Мөн 6 сараас дээш сартай жирэмсэн ажилтны ажлын цагийг богиносгох, амаржсан ажилтанд мөнгөн тэтгэмж олгох, эхнэр нь амаржсан ажилтанд 5 хоногийн цалинтай чөлөө олгох, ажилтны эцэг, эх, эхнэр, нөхөр, хүүхэд нас барсан үед ажилтанд 5 хоногийн цалинтай чөлөө, мөнгөн тэтгэмж олгох зэргээр ажилтнууддаа чиглэсэн олон арга хэмжээ, хөтөлбөрүүд хэрэгжүүлдэг.


Манай хамт олны амжилт үргэлж ажилтан бүрийн итгэл, сэтгэл, бүтээлч хандлагатай нягт холбоотой байдаг бөгөөд хийж бүтээх их үйлсэд гар бие оролцон ажил, амьдралдаа өөрчлөлт хийх хүсэлтэй Таныг бидэнтэй нэгдэхийг урьж байна. 


Ажлын байрны зарууд

  1. Үйлчлэгч /Хотын оффист/7 сарын 19. 11:45
  2. ХҮНИЙ НӨӨЦИЙН МЭРГЭЖИЛТЭН /УУРХАЙД/7 сарын 17. 9:16
  3. Орчуулагч /уурхайд/7 сарын 15. 10:35
  4. ЭРҮҮЛ АХУЙЧ АЖИЛД АВНА (УУРХАЙД)7 сарын 14. 10:01
  5. УУЛЫН МАСТЕР7 сарын 14. 9:33

Фэйсбүүк хуудас

Жиргээ

© Алтайн Хүдэр ХХК. 2006-2019 он

Монголын ажлын байрны төв сүлжээ.

Biznetwork.mn

Copyright © 2008-2019.