Одоогоор мэдэгдэл алга байна

Үндсэн хувилбар
Монгол улс, Улаанбаатар хот, Баянзүрх дүүрэг, 25-р хороо, 99А байр /13374/, Шинэ дөл цогцолбор, 203 тоот

Бидний тухай

 

“НЬЮКОМ МАЙНИНГ СЕРВИС” ХХК-ИЙН ТАНИЛЦУУЛГА

“Ньюком” групп нь эрсдэл өндөртэй, нөр их хөрөнгө, хүч хөдөлмөр шаардсан, ард иргэдийнхээ өсөн нэмэгдэж байж суурь хэрэгцээг хангахад чиглэсэн стратегийн холбогдолтой салбаруудад хөрөнгө оруулалт хийн, чанарыг эрхэмлэн, үргэлж шинийг санаачилж баялагийг зөв замаар бүтээгч үндэсний хөрөнгө оруулагч компани юм. Ийнхүү замнахдаа бид нийгэм олон нийт, харилцагч үйлчлүүлэгч, түншүүд, хамт олныхоо итгэл найдвар, хүсэлт тэмүүлэл, хүлээлтийг бүрэн хангахын төлөө тууштай ажиллаж ирсэн. Ил тод, нээлттэй, ёс зүй бүхий компанийн засаглалаараа олонд танигдсан бөгөөд олон улсын нэр хүнд бүхий томоохон компаниуд, байгууллагуудтай урт хугацааны найрсаг хамтын ажиллагаатай.

Ньюкомоор овоглосон 11 компани Монгол Улсын мэдээлэл харилцаа холбоо, эрчим хүч, санхүү, уул уурхайн тоног төхөөрөмж, үл хөдлөх хөрөнгө болон хөрөнгийн менежмент зэрэг олон салбарт дэлхийн тэргүүний туршлага, техник технологийг ашиглан зах зээлдээ шинэлэг бүтээгдэхүүн үйлчилгээг нэвтрүүлэн ажиллаж байна.

2017 оноос Монгол орны сэргээгдэх эрчим хүчний нөөцийн судалгаа явуулах, Сэргээгдэх эрчим хүчний үйлдвэрлэлд хөрөнгө оруулах, тус салбарыг хөгжүүлэх, Азийн эрчим хүчний супер сүлжээг бүтээн байгуулахад оролцож алс хэтдээ сэргээгдэх эрчим хүчээр үйлдвэрлэгдсэн цахилгаан экспортлох зорилт тавин ажиллаж байна.

Энэхүү зорилтыг хэрэгжүүлэх хүрээнд Ньюком групп нь өөрийн 100 хувийн хөрөнгө оруулалттай, 2011 онд байгуулсан “Ньюком Майнинг Сервис” ХХК нь уул уурхайн тоног төхөөрөмж, түрээсийн чиглэлэээр үйл ажиллагааг байгаль орчинд ээлтэй, эко техник технологи бүхий сэргээгдэх эрчим хүч, инженеринг, барилга угсралт, цахилгаан эрчим хүчний төсөл хэрэгжүүлэгч компани болгон өөрчилж үйл ажиллагаа явуулж байна. Компани төсөл хэрэгжүүлэх үедээ шаардлагатай туслан гүйцэтгэгч компани болон ажиллах хүчний нөөцийг бүрдүүлж ажилладаг онцлогтой бөгөөд үндсэн 5  хэлтэс 50 орчим ажилтантай. Олон улсын мэдлэг туршлага, шинэлэг технолгийг Монголд бүрэн нэвтрүүлэн нутагшуулах зорилго тавин ажиллахдаа өнөөдрийн байдлаар дор дурдсан ажлуудыг хийж гүйцэтгээд байна. Үүнд:

  1. Монголын анхны салхин цахилгаан станц болох “Салхит” салхин цахилгаан станц төсөлд Салхин турбины тоног төхөөрөмжийн өргөлт, буулгалтын ажлыг “Лейтон” ХХК-ийн туслан гүйцэтгэгчээр ажиллаж гүйцэтгэсэн.
  2. Өмнөговь аймгийн Цогтцэций сумын нутагт байгуулсан 50МВт хүчин чадал бүхий “Цэций” салхин цахилгаан станц төслийн хүрээнд нийт салхин турбины суурийн барилга угсралт, зам, засвар үйлчилгээний төвийн барилгын ажлыг амжилттай гүйцэтгэсэн.
  3. Дорноговь аймгийн Сайншанд хотын нутагт хэрэгжиж буй 55МВт-ын хүчин чадал бүхий “Санйшанд” салхин цахилгаан станц төслийн ажиллагсадын түр байр, салхин турбин угсралт, суурилуулалт, 35 кВт-ын кабель шугамын угсралтын татах ажлуудыг тус тус хийж гүйцэтгэсэн байна.

 

 

© Ньюком майнинг сервис ХХК. 2011-2020 он

Монголын ажлын байрны төв сүлжээ.

Biznetwork.mn

Copyright © 2008-2020.