Компанийн санхүүгийн хэвийн жигд, тасралтгүй үйл ажиллагааг хангаж, шаардагдах хөрөнгө зардлыг төлөвлөх зарцуулах, хяналт тавих, санхүүгийн үйл ажиллагааг зохион байгуулах зорилгын хүрээнд дараах зорилтын хүрээнд ажиллана. Үүнд: Компанийн төсвийн орлого, зардлын төлөвлөгөө, гүйцэтгэлийг гаргаж санхүүгийн бүртгэл тооцоо, тайлан тэнцлийг холбогдох хууль тогтоомжид заасны дагуу хөтлөх; Компанийн нягтлан бодох бүртгэлийн болон санхүүгийн программын үйл ажиллагаатай холбоотой баримт бичгийг олон улсын стандартад нийцүүлэн боловсруулах, хэрэгжилтийг хангах; Компанийн өмч хөрөнгийн ашиглалт, хадгалалт, хамгаалалтад хяналт тавих;

Компанийн дотоод үйл ажиллагааг хэвийн явуулахад чиглэн зөрчил дутагдлыг илрүүлэх, арилгуулах, хууль тогтоомжийн хэрэгжилт түүний нийцэж буй байдал, санхүү хөрөнгийн үр ашигтай зарцуулалт, эрсдэлээс урьдчилан сэргийлэхтэй холбогдсон дүн шинжилгээ хийх, ажилтнуудад зөвлөмж өгөх, бүх шатны удирдлагыг үнэн зөв мэдээллээр ханган, дэмжлэг үзүүлэн ажиллахад чиглэн ажиллана.