“Хос Хас” ХХК нь 1993 онд байгуулагдсан, үндэсний хөрөнгө оруулалттай Монгол Улсын хувийн хэвшлийн ууган уул уурхайн компаниудын нэг билээ.

Манай байгууллага жил ирэх тусам өргөжин тэлж, үйл ажиллагааныхаа цар хүрээг нэмэгдүүлж, өнөөдрийн байдлаар нийт 300-д уул уурхайн чиглэлээр мэргэшсэн хамт олон, 180-д хүнд даацын авто техникүүдтэйгээр үйл ажиллагаа явуулж байна.

Компанийн“Өгөөмөр” уурхай нь Булган аймгийн Бүрэгхангай сумын нутаг дэвсгэрт байрладаг бөгөөд ажиллагсдын ажиллаж, амрах нөхцөлийг бүрэн хангасан кемп таныг угтах болно.

Бид Монгол газар нутгийн байгалийн баялгийг Монгол хүн, Монголын ирээдүй, Монгол газар нутагт хадгалж үлдэх зорилт тавьж ажилладаг. Мөн нийгмийн хариуцлагынхаа хүрээнд нөхөн сэргээлт, усны нөөцийг байгальд ээлтэй, хэмнэлттэй, үр ашигтай ашиглаж байгалийн тэнцвэртэй байдал, нөхөн сэргээлтийг бүрэн хийж ажилладаг.