Мягмар гарагт дэлхий дээрх хамгийн жаргалтай газар гэгддэг Уолт Дисней Уорлд хүрээлэнгээс шинэ журмаа танилцуулжээ.
Танилцуулгад тусгаснаар үйлчлүүлэгчид хүрээлэнд зочлохдоо урт дараалалд хүлээхгүйн тулд хөгжлийн бэрхшээлтэй хэмээн худал хэлсэн тохиолдолд тэдний Флорида болон Калифорни мужууд дахь хүрээлэнгээр зочлох эрхийг бүх насаар нь түдгэлзүүлдэг байхаар шийдвэрлэдэг болсон байна.
Эл журмыг батлах болсон шалтгаан нь тус хүрээлэнгийн веб хуудаснаа үйлчлүүлэгчид “Бүртгэл дээр хөгжлийн бэрхшээлтэй хэмээн бүртгүүлсэн ч үнэн хэрэгтээ хөгжлийн бэрхшээлгүй байгааг олж мэдсэн тохиолдолд хэрхэх вэ?” хэмээн асуух нь олширсонтой холбоотой гэнэ.
Улмаар хэрэв тухайн зөрчил гаргасан үйлчлүүлэгч хүрээлэнгээр зочлох жилийн эрх худалдан авсан байх аваас тэд эл эрхийг нь ч түдгэлзүүлэх юм.
Тийнхүү хүрээлэнгийн зүгээс ямар тохиолдолд үйлчлүүлэгчид хөгжлийн бэрхшээлтэй зочноор бүртгүүлж, урт дараалал хүлээхгүй байж болох журмаа ч тодотгосон бөгөөд тэдний хэлснээр ямарваа нэг хөгжлийн бэрхшээл, аутизм болон бусад төрлийн урт дараалалд хүлээх хүндрэлтэй нөхцөлийг л хамруулна хэмээжээ.
Эх сурвалж: NY Post