Саяхан бид чүдэнзээр 7 метр өндөр Эйфелийн цамхаг босгосон эр Гиннесийн номд бичигдэж чадаагүй талаар мэдээлж байсан билээ.
Амьдралынхаа 8 жилийг чүдэнзээр Эйфелийн цамхаг босгоход тус эрийн хувьд нэг төрлийн чүдэнз ашиглаагүйгээсээ болж Гиннесийн номд багтах эсэх нь эргэлзээтэй болоод байсан юм.
Тодруулбал, өдгөө 47 настай Ричард Плауд гэх франц эр нийт 700,000 гаруй ширхэг чүдэнзийг ашиглан 7 метр өндөр Эйфелийн цамхгийг босгосон ч Гиннесийн амжилт бүртгэдэг байгууллагаас түүний бүтээлийг номдоо бүртгэхээс татгалзаад байсан билээ. Учир нь тэрээр цамхгийг босгохдоо эдүгээ худалдаанаас гарсан чүдэнзийг ашигласан бөгөөд Эйфелийн цамхгийн загварыг төгс хуулбарлаагүй холбоотой гэнэ. Энэ талаар тэр өөрийн Инстаграм хуудаснаа бичсэн билээ. Улмаар олон нийтийн зүгээс Гиннесийн амжилт бүртгэгч байгууллагыг хурцаар шүүмжлээд амжсан юм.
Тэгвэл саяхан тус байгууллагын зүгээс хүлцэл өчиж, түүний бүтээлийг амжилтаар бүртгэсэн болохоо мэдэгджээ.
Эх сурвалж: UNILAD