ZANGIA B2B СХД-ийн ЖДҮ-ийг дэмжих төвтэй бичил, жижиг, дунд үйлдвэр, үйлчилгээ эрхлэгчдийн үйл ажиллагааг дэмжих, борлуулалтыг нэмэгдүүлэх, ур чадвар дээшлүүлэх, мэдлэг олгох сургалтуудыг зохион байгуулах зорилготойгоор хамтран ажиллахаар боллоо.

Хамтын ажиллагааны хүрээнд жижиг, дунд үйлдвэр эрхлэгчдэд шаардлагатай сургалтыг үнэ төлбөргүй зохион байгуулах; үйлдвэрлэгчдийн хүний нөөцийн бүрдүүлэлтэд дэмжлэг үзүүлэх, ажлын байрны зар, мэдээллийг түгээх, ЖДҮ-ийн бараа бүтээгдэхүүнийг Zangia B2B платформоор дамжуулан олон нийтэд сурталчлах, таниулах болон бусад төлөвлөгөөг ажил хэрэг болгох юм.

ZANGIA B2B нь улсын хэмжээнд үйл ажиллагаа эрхлэн явуулдаг жижиг дунд үйлдвэр, үйлчилгээ эрхлэгчдийн үйл ажиллагааг өргөжүүлэх, олон улсын төсөл хөтөлбөрт хамруулах, гадаад болон дотоод хамтын ажиллагааг нь дэмжихэд чиглэсэн хөтөлбөрүүдийг шат дараатайгаар хэрэгжүүлэн үндэсний үйлдвэрлэгчдээ дэмжин ажиллах болно.