Лхагва гарагт Германы спорт хувцас хэрэгслийн Adidas брэндээс мэдээлснээр тэд энэ онд Yeezy брэндтэй хамтран үйлдвэрлэсэн пүүзнүүдийнхээ үлдэгдлийг үйлдвэрийн үнээр ч болтугай борлуулна гэжээ.

Adidas брэндийн хувьд 2022 оны арваннэгдүгээр сард реппер Ye буюу Кание Уэсттэй хамтын ажиллагаагаа зогсоосон юм. Үүний шалтгаан нь реппер өөрийн Твиттер хуудаснаа еврей хүмүүсийн эсэргүүцэх үзэл бүхий жиргээг нийтэлж, олны эгдүүцлийг төрүүлсэнтэй холбоотой билээ.

Тийнхүү тухайн үед Adidas брэндийн зүгээс реппертэй хамтран ажиллахаа зогсоож, түүнтэй хамтран үйлдвэрлэсэн Yeezy пүүзнүүдийнхээ борлуулалтыг тодорхойгүй хугацаагаар зогсоосон юм. Улмаар тус пүүзний зах зээлийн эрэлт өсөж, хоёрдогч борлуулагчдад ихээхэн хонжоотой байсан тул тэд зардлаа нөхөхөөр ийм шийдвэрт хүрчээ.

Эх сурвалж: Sneaker News