Өмнөд Солонгос улсад төрөлт буурч байгааг харуулсан шинэхэн судалгаа олон нийтийг тус улсын эдийн засгийн ирээдүйд санаа зовниход хүргэжээ.
Өнгөрөгч долоо хоногт тус улсын статистикийн газраас гаргасан судалгаагаар тус улс дахь төрөл 0.70 хувьд хүрснийг тогтоосон байна. Улмаар Солонгосын төв банкнаас тооцож байгаагаар төрөлт энэ хэвээр буурсаар байвал тус улсын эдийн засаг 2050 оноос агших гэнэ.
Судалгаанаас үзвэл тус улсад төрөлт ийн буурч байгаа нь залуус ажлын байраа хадгалах, орон байртай болох зэрэг асуудалд сэтгэл түгшингүй хандаж байгаатай холбоотой гэсэн байна. Мөн судалгаагаар эцэг эхчүүд шинэ хүнтэй болсноор хуульд заасан дагуу нийт 52 долоо хоног цалинтай амрах ёстойгоос ердөө 10 долоо хоног амарч байгааг л онцолжээ.
Тийнхүү статистикч нарын тооцоолж байгаагаар тус улс дахь төрөлтийн тоо цаашид огт өсөхгүй болбоос 2060 оны сүүл гэхэд Өмнөд Солонгосын хүн амын тоо 35 саяд хүрнэ гэсэн юм. Үүнийг тус улсын өнөөгийн хүн амын тоо болох 51 саятай харьцуулбал даруй 40 гаруй хувиар буурсан үзүүлэлт болно.
Эх сурвалж: Nikkei Asia
Монголчуудад ажиллах амьдрах боломж улам их гарахнээ.