Энэ сард Хятадын төрийн харьяа хэвлэл мэдээллийн The Paper хуудаснаас мэдээлснээр тус улсын цагдаа нар гахай, хонины мах хэмээн худалдаалах гэж байсан 1,000 муурыг нядалгаанаас аварчээ.
Хэргийн учир явдлыг тодруулбал, амьтдын эрхийг хамгаалдаг идэвхтнүүд Хятадын Жиансу аймгийн Жанжяган мужид муур цуглуулж, цуглуулсан мууруудаа тээвэрлэдэг нэгэн автомашиныг илрүүлсэн байна. Улмаар тэд цагдаагийн байгууллагад мэдэгдэхэд тэд автомашиныг шалгаж үзэн хууль бус худалдаа эрхэлдэг болохыг нь олж тогтоожээ.
Тийнхүү хэвлэл мэдээллийн хэрэгслүүдийн мэдээлснээр хэрэв цагдаагийн байгууллагаас хэрэгтнүүдийг олж, хэргийг таслан зогсоогоогүй байсан бол мууруудыг тэд нядалгаанд оруулж, улсын өмнөд хэсэг рүү гахай, хонины мах, зайдас хэмээн худалдаалах байсан гэнэ. Мэргэжилтнүүдийн тооцсоноор хэрэгтнүүдийн хууль бус ажиллагаа амжилттай болсон бол тэд ойролцоогоор 20,500 ам.долларын ашигтай ажиллах байжээ.
Одоогоор хэргийн хүрээнд цагдаагийн байгууллага баривчлах ажиллагаа явуулсан эсэх нь тодорхойгүй байгаа ч шүгэл үлээсэн The Paper хуудаснаас мэдээлснээр цагдаагийн байгууллага мууруудыг ойролцоох асрамжид хүлээлгэн өгсөн гэсэн юм.
Эх сурвалж: CNN