БНХАУ-ын Бээжин хотоос Францын Парис хот руу нисч явсан Эйр Франс авиа компанийн зорчигч тээврийн онгоцонд гал гарчээ.
Эйр Франс компанийн AF393 дугаартай нислэг Бээжингийн олон улсын нисэх онгоцны буудлаас өнөөдөр буюу 18-ны өдрийн 03:50 цагийн орчимд хөөрсөн бөгөөд бүхээгт гал авалцаж, хөөрснөөс 17 минутын дараа онгоцны буудал руу буцаж ослын буулт хийжээ. Онгоц Парисын Чарльз де Голль нисэх онгоцны буудал руу нисч байсан юм.
Онгоцны сүүл хэсэгт ямар нэгэн зүйл дэлбэрэх чимээ гарсны дараа хар утаа гарч эхэлсэн гэж зорчигчид хэлсэн байна. Нэгэн зорчигчийн буулгасан зураг дээр хоёр суудлын доод хэсэг нэлээд эвдэрч шатсан байдалтай байжээ.
Азаар гэмтэж бэртсэн зорчигч байхгүй аж. Ослын шалтгаан одоогоор тодорхой болоогүй байна.
Эх сурвалж: SBS